Acte public dera Acadèmia – 27 de deseme tàs 19:00h en Betren (Hotèl Tuca)

Eth diuendres 27 de deseme tàs 19:00 ores, en Betren (Hotèl Tuca), se celebrarà er acte public der Institut d’Estudis Aranesi – Acadèmia Aranesa dera Lengua Occitana. Coma cada an, serà era ocasion de valorar eth trabalh desvolopat pendent er exercici 2024, e d’informar sus es linhes principaus que seguirà eth nau cors 2025. Se presentaràn es darrères òbres publicades; er archiu digitau deth Recuelh de Memòria Orau, eth nau Diccionari der Occitan Aranés (DOA) en linha; eth prumèr volum deth Recuelh de Toponimia Menora dera Val d’Aran, corresponent ath municipi de Les; e d’auti projèctes e programes dubèrti. Damb aguesta iniciatiua era Acadèmia reafirme eth sòn compromís damb eth servici ara lengua, ara cultura e ara poblacion.