Amassada damb Ernest Urtasun, ministre de Cultura

Eth passat 19 d’abriu, Ernest Urtasun, ministre de Cultura der Estat espanhòl, recebec ena Delegacion deth Govèrn en Barcelona, a ua comission der Institut d’Estudis Aranesi – Acadèmia Aranesa dera Lengua Occitana, formada peth president, Jèp de Montoya, eth president dera Seccion Aranesa, Miquèu Segalàs, era vocau, Lourdes España e er expresident Jusèp Loís Sans. Es membres dera Acadèmia hèren ua exposicion sus era situacion dera lengua occitana, e sus era activitat dera institucion des de que siguec creada en favor dera normativizacion e era investigacion. Eth ministre e es membres intercambièren opinions sus era foncion des Acadèmies ena societat, sus es recorsi de besonh entath sòn mantenimente sus eth besonh de promòir e visibilizar er preséncia der occitan laguens des accions impulsades peth ministèri.