Era Acadèmia explique era lengua a estudiants de Maçanet

Es mainatges de tresau dera ESO der Institut d’Ensenhament Segondari de Maçanet de La Selva, en visita ara Val d’Aran, an estat recebuts, aué 4 d’abriu, en Conselh Generau d’Aran peth Vicesindic d’Aran Loís Carlos Medina e an recebut explicacions deth President der Institut d’Estudis Aranesi-Acadèmia aranesa dera lengua occitana Sr. Jusèp Loís Sans e deth President dera Seccion aranesa Sr. Jèp de Montoya, sus era lengua e era istòria dera Val d’Aran. Tanben, an participat ena exposicion eth Director der IES d’Aran Sr. José Manuel Rodríguez e dera Professora der Institut de Maçanet, e antiga professora der Institut d’Aran, era  Sra. Ròsa Visa.