Guanhadors deth Concors de Microrelats deth CEC

Es membres deth jurat, deth quau formen part Claudi Balaguer, president dera Seccion Estandard dera Acadèmia, e Jusèp Loís Sans, expresident dera Acadèmia, s’amassèren eth passat 16 de mai entà deliberar sus quines òbres serien es guanhadores dera dusau edicion deth concors, per prumèr viatge, damb ua categoria especifica entàs òbres en lengua occitana.

Es guanhadors dera categoria de lengua occitana an estat:

1èr. prèmi:  Ferriol Massip,

“Mos veiguíem es dissabtes peth maitin. D’aqueth calhau estant mos guardàuem damb respècte. Dissabte passat se hèc ençà, m’amorassèc damb eth morre e filèc. De ser lo cerqui enes esteles.

2au. prèmi: Meritxell Virgili

“Jo non demoraua en territòri, mès que m’i estaua, pr’amor qu’es aulors des prats dera nauta montanha m’engatjauen”

3au prèmi: Cristina Enseñat Beso

“Solida, imponent, tèrra e mineraus la conformen, l’acaben definint era erosion, era imprempta de qui la caushigue e era passion de qui la sent, sonque sigue un instant”

Entà mès informacion podetz clicar aciu.