Presentacion deth libre “Arties: hèts relevants dera sua istòria”

Eth passat 6 de deseme, ena glèisa de Santa Maria d’Arties, se presentèc eth libre Arties: hèts relevants dera sua istòria, de Jose Antonio Bruna. Aguesta òbra, que forme part dera colleccion Patrimòni, Istòria e Identitat, der Institut d’Estudis Aranesi – Acadèmia Aranesa dera Lengua Occitana, incidís en quauqui des hèts mès destacables dera istòria d’Arties. Ei estructurat en 17 blòcs, ordenadi cronologicament, des dera preïstòria enquiara actualitat. En acte i an participat, entre d’auti, Lina Fanlo, bailessa dera EMD d’Arties e Garòs; Jèp de Montoya, president dera Acadèmia; e César Ruiz-Canela, baile der Ajuntament de Naut Aran, qu’a finançat 200 exemplars dera òbra.