TINTIN EN ARANÉS

Eth passat dimarts 16 d’abriu en Pyrenmuseum, en Salardú, se presentèc eth prumèr Tintin en aranés: es Jòies dera Castafiòre editat per Trilita ediciones e  Zefhyrum ediciones. Era presentacion siguec a cargue des editors Albèrt Mestre e Anna Zendrera. Tanben i participèc eth sòn traductor, e collaborador der IEA-AALO, Antoni Castèt. Er acte que siguec presentat peth Director deth Pyrenmusèum, Manel Rocher, compdèc damb era participacion deth President der IEA-AALO e damb era assisténcia de Angelina Cases, Ròsa Salgueiro, Miquèu Segalàs e Jèp de Montoya, Membres numeraris der IEA-AALO.