10 ans dera Acadèmia – Trobada damb era Seccion Filologica der IEC e simpòsi

Era Seccion Filologica der Institut d’Estudis Catalans a visitat era Val d’Aran es dies 17 e 18 de mai, convidada per Institut d’Estudis Aranesi – Acadèmia Aranesa dera Lengua Occitana, en marc deth nòste 10au anniversari. Eth dia 17 de mai, tàs 18h, en Hotèl Tuca, se celebrèc ua session publica damb un simpòsi sus “Era normativizacion des nòstes lengües” que compdèc damb es intervencions de Claudi Balaguer, Josep Martines, Mila Segarra, Ramon Sistac e Jusèp Loís Sans. Era dubertura dera session siguec a cargue deth president dera Acadèmia, Jèp de Montoya, e deth president dera Seccion Filologica, Nicolau Dols. Tanben se compdèc damb era participacion d’Angelina Cases, conselhèra de Coneishement e secretària der IEA-AALO, Rosa Noray, delegada deth departament de Cultra dera Generalitat en Naut Pirenèu e Aran, e Eva Fiter, directora der Institut entath Desvolopament deth Naut Pirenèu e Aran. Era session se barrèc damb ua interpretacion musicau e ua copa de cava. Londeman, es dues institucions celebrèren ua amassada ena que se presentèren es recorsi dera Seccion Filologica e es activitats e publicacions der IEA-AALO. Aguest eveniment compde damb eth supòrt dera Fondacion “la Caixa” e der IDAPA.