INICIATIVES DE FOMENT DER OCCITAN

Organizat pera Direccion Generau de Politica Lingüistica e presidit pera Directora Generau de Politica Lingüistica, Sra. Estèr Franquesa e peth President der Institut d’Estudis Aranesi-Acadèmia aranesa dera lengua occitana, Sr. Jusèp Loís Sans, eth passat dimars dia 26 de junh, ena Palai Marc, deth Departament de Cultura, en Barcelona, se realizèc era session “Iniciatives de foment der occitan en Catalonha”.Ath long der acte auérem era oportunitat d’escotar es actuacions dera Generalitat en matèria de promocion der occitan e des associacions eth CAOC e eth Club Aranés. Era Acadèmia presentèc es sues realizacions e exposèc era forma ena que pren es decisions lingüistiques entà respectar qu’er occitan ei ua lengua deth pòble. Jornalet exposèc era formacion deth sòn libre d’estil. Entà acabar er acte Tirabol hec un petit concèrt de musica occitana.