ETH CONSELH DE COLLÈGIS D’AVOCATS DE CATALONHA S’AMASSE ENA ACADÈMIA

Era Comission de Lengua deth Conselh des Illustres Collègis d’Avocats de Catalonha s’amassèc eth passat diuendres dia 13 de seteme ena Acadèmia aranesa dera lengua occitana. Jos era Presidéncia deth President dera Comission eth Sr. Joan Riera e Claret e damb era participacion deth President dera Acadèmia, Sr. Jusèp Loís Sans e dera Secretària Sra. Ròsa Maria Salgueiro era amassada dera Comission de Lengua analisèc entre d’autes qüestions era situacion actuau der occitan en Catalonha e expeciaument en encastre dera Justícia. Eth President Joan Riera e Claret anoncièc, tanben, qu’estan realizant era revirada ar aranés des impresi de major emplec ena administracion municipau e judiciau entà oferir-lo as administracions e contribuïr d’aguesta forma ara normalizacion der occitan,

Aguest a estat eth segon viatge qu’era Comission s’amasse ena Acadèmia e i a eth compromés de hèr ua amassada ar an entà dar supòrt ath procés de promocion der occitan