Era Acadèmia a aprovat eth Diccionari der aranés

Eth passat 27 de seteme  es Membres dera Seccion Aranesa der Institut d’Estudis Aranesi aprovèren eth redactat definitiu deth diccionari der aranés. Ara s’iniciarà eth procès de publicacion. Eth Diccionari tanben s’articularà enes mieis digitaus. Eth Diccionari s’inicièc hè mès de dus ans damb ua peticion des escòles dera Val d’Aran ath Conselh Generau d’Aran, qu’encarguèc era sua elaboracion ara Acadèmia aranesa dera lengua occitana. Ena elaboracion deth Diccionari an participat mès de trenta persones e recuelh es paraules mès emplegades en aranés e tanben eth vocabulari pròpi dera economia primària aranesa.