PRESENTACION DETH DICCIONARI ENA EOI DE LHÈIDA

Ager dia 28 de gèr de 2020 era Acadèmia aranesa dera lengua occitana presentec eth Diccionari der aranés e es autes publicacions der Institut d’Estudis Aranesi. Ath deuant d’ues 150 persones eth President der IEA-AALO, Jusèp Loís Sans, era Vicepresidenta, Angelina Cases, era Secretària, Ròsa Salgueiro e eth President dera Seccion aranesa, Jèp de Montoya, presentèren era Acadèmia e es sues prodoccions. Entre es assistents cau destacar era preséncia des Directors Territoriaus de Educacion, Sr. Carlos Vega, de Cultura Sr. Angel Cullerés e de Trabalh, Ahèrs Sociaus e Família, Sr. Vidal Vidal. Tanben i sigueren presents eth representant der Ajuntament, eth còsso Jaume Rutllan, e eth Cosso Paco cerdà. S’i destquèc era preséncia deth Sr. Ramon Sistac, representant der Institut d’Estudis Catalans, deth Sr. Juanjo Ardanuy, Director der Institut d’Estudis Ilerdencs, de Montserrat Casanovas, Directora der Institut de Lengües dera UdL e Sole Sebastian, Directora dera EOI de Lleida. Era acte siguec coordinat per Judit Bòria, adjunta ara Cap d’estudis dera EOI d’Idiomès. Inicièc es explicacions eth Sr. Montoya sus eth funcionament dera Acadèmia (intervencion), era Sra Salgueiro hec era exposicion des principaus produccions dera Acadèmia, era Sra. Cases expliquèc eth trabalh normatiu der Institut d’Estudis Aranesi e eth Sr. Sans presentèc eth Diccionari (intervencion).