Celebracion der 11 de seteme en IEC

Eth President dera Acadèmia Institut d’Estudis Aranesi, Jusèp Loís Sans, assistic ara commemoracion dera Diada nacionau de Catalonha convidat pera Presidenta der Institut d’Estudis Catalans, Teresa Cabré. Entar acte i assistiren tanben era Conselhèra de Cultura, Natalia Garriga e eth Conselhèr d’educacion Josep Fernández Cambreny. Er acte compdèc damb ua disertacion dera Viceprecidenta deth IEC, Maria Corominas i piulats,  sus “Lengua e Mieis de comunicacion en catalonha, politica lingüistica, politica de mieis e societat civiu”. Er acte acabèc damb er imne nacionau de Catalonha dirigit per Lluís Llach. Era Presidenta deth IEC, Teresa Cabré, a reivindicat eth papèr dera societat civiu ena politica lingüistica e a remercat qu’eth IEC ei un pilier dera identitat catalana, ua estructura d’estat, e que per açò actuarà damb sentit de servici, damb bases scientifiques, e damb independéncia e leiautat ath país.