Thomas Field ena acadèmia

Eth president der Institut d’Estudis Aranesi – Acadèmia Aranesa dera Lengua Occitana, Jèp de Montoya, e er expresident, Jusèp Loís Sans, aueren eth plaser de recéber eth passat 13 de deseme a Thomas Field, professor emerit de Lengües modèrnes, Lingüistica e Comunicacion interculturau, dera Universitat de Maryland, en Baltimore (Estats Units). Eth professor siguec molt interessat pera nòsta lengua e pera activitat dera acadèmia, damb era idia de sajar de crear ua collaboracion entre era sua persona, era Universitat de Maryland e era acadèmia.