Acte de Presentacion de publicacions
Eth passat 27 de deseme se celebrèc en Hotèl Tuca er acte de Presentacion de publicacions dera acadèmia. Se presentèren es darrères òbres qu’auem publicat sus era normativa lingüistica, era Istòria d’Aran, òbres de divulgacion e d’autes, deuant de mès 120 persones. Intervieren eth president, Jèp de Montoya; era vicepresidenta, Ròsa Maria Salgueiro; era secretària, Angelina Cases; era vocau, Lourdes España e eth president dera Seccion Aranesa, Miquèu Segalàs. Atau madeish, se compdèc damb era preséncia deth delegat deth Govèrn dera Generalitat en Naut Pirenèu e Aran, Josep Castells, qu’adrecèc ues paraules ath public en aranés. Entà finalizar, s’obsequièc as assistents qu’ac desirèren damb quauques des publicacions dera institucion, se les convidèc a ua copa de cava.
Podetz veir ua vidèo resum der acte:
Er acte en quauques imatges:
