Era vicepresidenta deth Parlament visite era acadèmia

Era Sra. Alba Vergés, vicepresidenta prumèra deth Parlament de Catalonha, a visitat, er Institut d’Estudis Aranesi-Acadèmia Aranesa dera Lengua Occitana.  A estat recebuda peth president dera Acadèmia, eth Sr. Jèp de Montoya, qu’a explicat eth trabalh desvolopat pera institucion e era situacion der occitan. Era Sra. Vergés s’a interessat pes publicacions dera Acadèmia, subertot pes òbres normatives, pes diccionaris, especiaument peth catalan-aranés, e pes investigacions sus era istòria dera Val d’Aran. Eth president dera Acadèmia a comunicat ara vicepresidenta qu’entre es projèctes d’investigacion que s’an de méter en marcha pendent eth 2023 i a un analisador de corpus lingüistic, que començarà per introduïr es mès de cent leis escrites en occitan qu’an gessut des deth Parlament de Catalonha. Damb aguest estudi s’aurà ua radiografia deth lenguatge juridic der occitan ena sua varianta aranesa.