Era directora der IDAPA visite era Acadèmia
![](https://www.institutestudisaranesi.cat/wp-content/uploads/2023/03/WhatsApp-Image-2023-03-10-at-19.04.04.jpeg)
Era naua directora der Institut entath Desvolopament deth Naut Pirenèu e Aran (IDAPA), Eva Fiter, a visitat aguest maitin era sedença dera Acadèmia. A estat recebuda peth sòn president, Jèp de Montoya. Era directora s’a interessat pera activitat dera Acadèmia, es sues publicacions e es sòns projèctes de futur. Tant eth president coma era directora an coïncidit en considerar er estudi e normativizacion dera lengua coma un element de desvolopament e promocion deth territòri.