Jèp de Montoya membre deth Conselh Assessor dera Revista Euskera ikerketa aldizkaria
![](https://www.institutestudisaranesi.cat/wp-content/uploads/2023/11/42aee203-6c8d-48d4-9c47-1822e759c2e5_16-9-aspect-ratio_default_0.jpg)
Coma publicacion prèvia ara Euskera ikerketa aldizkaria, era revista Euskera a sigut era publicacion oficiau dera Euskaltzaindia, Reiau Acadèmia dera Lengua Vasca, e s’a publicat des de 1920 enquia 2022. Des de 2023 entà deuant son dues publicacions: Euskera ikerketa aldizkaria e Euskaltzaindiaren buletina. Era prumèra publique articles d’investigacion originaus, comentaris de libres, e d’auti contenguts der airau d’investigacion dera Euskaltzaindia, e se publique en format papèr e en format electronic. Era dusau recuelh era vida e eth trabalh academic dera Euskaltzaindia e se publique de forma electronica.
Euskera ikerketa aldizkaria publique dus numèros annaus: eth prumèr (gèr-junh) entre març e abriu e eth dusau (juriòl-deseme) entre seteme e octobre. Entà publicar es articles d’investigacion eth Conselh de Redaccion amasse, utilizant eth sistèma PEER REVIEW, era opinion d’avaloradors extèrns.
Eth president der Institut d’Estudis Aranesi – Acadèmia Aranesa dera Lengua Occitana, Sr. Jèp de Montoya a estat nomentat membre deth Conselh Assessor dera revista.