Era Acadèmia e AINA collabòren entà desvolopar eth prumèr modèl lingüistic en aranés

Era Acadèmia cedirà donades de votz, tèxte e metadonades a Barcelona Supercomputing Center (BSC-CNS) entà desvolopar modèls d’intelligéncia artificiau, per prumèr còp, en aranés. Er acòrd entre andues entitats ei un pas clau entara incorporacion dera lengua occitana enes sistèmes d’intelligéncia artificiau desvolopadi peth Projècte Aina.
Era collaboracion preve qu’eth BSC pogue preprocessar es donades entà integrar-les en còrpus d’AINA. Es datasets que son disponibles en Hugging Face son fondamentaus entar entrenament des modèls e des Tecnologies deth Lenguatge (TL).
Entara Acadèmia se tracte d’un “pas que pòt comportar un auanç important entath desvolopament de tecnologies en lengua occitana que poguen facilitar er estudi e analisi lingüistic atau coma ua major difusion e foment dera lengua a trauès d’aplicacions de redaccion de tèxtes o correccion automatica, entre d’autes”, segontes Jèp de Montoya, president dera institucion.