50au Session Plenària dera Comission de Toponimia de Catalonha

Un an mès, er Institut d’Estudis Aranesi – Acadèmia Aranesa dera Lengua Occitana, representada peth sòn president, Jèp de Montoya, a participat ena Session Plenària dera Comission de Toponimia de Catalonha. Era Comission, ei er organ d’assessorament, consulta e prepausa en matèria de fixacion oficiau des toponims de Catalonha. D’acòrd damb era Lei der occitan, aranés en Aran, era determinacion des formes des toponims aranesi, e occitans en generau, s’a de hèr d’acòrd damb era normativa lingüistica establida pera Acadèmia. Era Comission ei formada per diuèrsi departaments e organismes dera Generalitat de Catalonha (Cultura, Territòri, Presidéncia e Economia e Isenda), peth Conselh Generau d’Aran, er Institut d’Estudis Catalans, es entitats municipalistes ACM e FMC e er Institut d’Estudis Aranesi – Acadèmia Aranesa dera Lengua Occitana.