Amassada deth Conselh Nacionau dera Lectura

Aué s’a celebrat era amassada deth Conselh Nacionau dera Lectura, òrgan collegiat presidit pera conslhèra de Cultura, Natàlia Garriga, damb era conselhèra d’Educacion coma vicepresidenta, Anna Simó, qu’includís representants des diferentes institucions que trabalhen peth libre e era lectura. Er Institut d’Estudis Aranesi – Acadèmia Aranesa dera Lengua Occitana, forme part deth Conselh, representada peth sòn president, Jèp de Montoya.

Era responsable departamentau deth Plan Nacionau deth Libre e era Lectura, Montse Ayats, a presentat er “Informe de seguiment. Deseme 2023”, que s’a d’elevar ath Govèrn dera Generalitat.

Entre d’auti ahèrs, s’a tractat era qüestion der impuls dera edicion d’àudiolibres en catalan e occitan, des ajudes entara edicion de manuals universitaris en lengua catalana, der increment dera dotacion des bèques entara creacion d’òbres literàries en lengua catalana e occitana, e deth renfortiment dera presentacion de contenguts en catalan e occitan ena Bibliotèca Digitau.

Per part dera Acadèmia, a mès der arregraïment pera atencion ara lengua occitana, s’a aportat era vision sus era situacion dera lengua occitana en aguest encastre.