Andreu Vàzquez, director der IEI, visite era Acadèmia

Aguest maitin, era sedença der Institut d’Estudis Aranesi – Acadèmia Aranesa dera Lengua Occitana, a acuelhut era visita d’Andreu Vàzquez, director der Institut d’Estudis Ilerdencs. L’an recebut eth president dera Acadèmia, Jèp de Montoya, era secretària, Angelina Cases, e Jusèp Loís Sans, membre dera Seccion Aranesa. Eth director der IEI, a manifestat era sua volontat de renfortir es sinèrgies damb era Acadèmia e de collaborar conjuntament en projèctes culturaus e lingüistics de recèrca, que consoliden es vincles entre andues institucions. Atau madeish, a metut a disposicion dera Acadèmia es installacions der IEI entà acuélher activitats o presentacions ena ciutat de Lhèida, renfortint atau eth compromís der IEI damb era dinamizacion e difusion deth patrimòni culturau deth territòri.