Presentacion dera rota literària “ÒC”

Eth passat diuendres 4 d’octobre se presentèc ena Acadèmia eth projècte dera rota literària basada en roman “ÒC” dera escrivana Griselda Lozano.

Aguesta òbra literària, publicada er an 2014, desvolòpe era major part dera trama en territòri d’Aran, mejançant dues linhes argumentaus: ua pendent eth sègle XII e era auta en tempsi contemporanèus.

Aguesta rota literària, qu’ajude a conéisher melhor era nòsta identitat, a coma tòca fomentar ua major coneishença d’Aran e de Comenge, mès que mès enes encastres lingüistics e culturaus. Includís visites a emplaçaments que son scenari deth roman, en tot mostrar era riquesa culturau e lingüistica aranesa de manèra poliedrica.

Eth president der IEA-AALO, Jèp de Montoya, expliquèc as assistents diuèrsi aspèctes considerables dera cultura e dera istòria d’Aran, e exposèc tanben era origina, es competéncies e es activitats dera Acadèmia, com per exemple, era publicacion de libres sus tematiques diuèrses.