Relacions entre era Acadèmia aranesa dera lengua occitana e eth Consistòri deth Gai Saber-Acadèmia Occitana

Eth passat dimèrcles 14 d’octobre ua delegacion der Institut d’Estudis Aranesi-Acadèmia aranesa dera lengua occitana, compasada per Jusèp Loís Sans e Miquèu Segalàs visitèren en Tolosa, en Ostau d’Occitània ath Consistòri deth Gai Saber- Acadèmia occitana, entà auançar enes relacions e cercar formes de trebalh en comun.
Sigueren recebuts peth President Joan Penent amassa damb Joan Salas-Lostau, Jacme Taupiac, Franc Bardou, Felip Carbona e Florian Vernet. Era amassada facilitèc cèrtes vies de collaboracion e de trebalh conjunt que se meteràn en foncionament en encastre d’ues relacions mès estables.