Distribucion des publicacions der IEA-AALO

Er Institut d’Estudis Aranesi-Acadèmia aranesa dera lengua occitana seguís ditribuïnt es sues publicacions. Es passats dies 1 e 2  de març es professors der IES d’Aran assistiren as presentacions que se heren ena sedença dera institucion.
Era escòla Garona de Vielha a recebut 40 exemplars de cada ua des publicacions que seràn distribuïts entre eth professorat.
Eth passat dia 8 eth President der IEA-AALO, Jusèp Loís Sans, entreguèc personalment ath Conselhèr de Justicia, Aunorable Sr. Carles Mundò, e ath Director Generau de Dret e Institucions Juridiques, Sr. Bernadí, un exemplar de cada. Eth madeish dia hec entrèga d’un exemplar a cada un des Presidents des Acadèmies de Catalonha en marc dera amassada deth Conselh Interacadèmic.
Eth President dera Acadèmia amassa damb eth President dera Seccion aranesa, Sr. Jèp de Montoya, presentèren, eth passat dia 7, es publicacions enes corsi d’aranés deth Conselh Generau d’Aran, A-A1-B-C, a on distribuïren mès de 50 exemplars. Es professors des corsi, era Sra. Lúcia Mas, eth Sr. Tonho Barés, era Sra. Maria Josè Fernández e eth Sr. Miquèu Segalàs (membre der IEA-AALO), professors des corsi, participèren activament ena presentacion des materiaus enes respectius corsi.
Eth deluns 14 eth President deth Grèmi d’Ostalaria dera Val d’Aran, Sr. Ambròs Barberà, visitèc era sedença dera Acadèmia, a on seiguec recebut peth President, Sr. Sans, e peth President dera Seccion aranesa, Sr. Montoya.