Eth Conselh Generau e era Acadèmia signen un convèni

Eth dia 9 d’agost, eth Conselh Generau d’Aran e era Acadèmia aranesa dera lengua occitana signèren un convèni entath foncionament dera Acadèmia. Eth convèni signat peth Sindic d’Aran e eth President dera Acadèmia incorpòre, tanben, er encargue ara Acadèmia dera elaboracion d’un diccionari de concèptes ena varietat aranesa dera lengua occitana adreçat surtot ath public escolar. Era Acadèmia començarà era elaboracion d’aguest prètzhèt, en mes de seteme,  en tot daurir era participacion, en diccionari, ad aqueres persones que i volguen collaborar.