Era Acadèmia participe ena Felibrejada

Eth dissabte 3 de junh ena vila de Banhères de Bigòrra e laguens deth Congrès deth Felibrige e dera hèsta dera Santa Estella qu’ a lòc entre eth diuendres dia 2 e dimars dia 6 de junh,   er Institut d’ Estudis Aranesi-Acadèmia aranesa dera lengua occitana a estat present damb  eth sòn President Sr. Jusèp Loís Sans e eth President dera Sección Aranesa Sr. Jèp de Montoya.

Damb un auditòri de més d’ un centenat de persones, eth Sr. Jèp de  Montoya amassa damb es Senhors Maurici Romieu, President dera Escòlo Gastoun Febus e Sergi Javaloyès, secretàri dera Escòlo Gastoun Febus  e baile dera revista Reclams  an pronunciat ua conferencia damb eth titol:

“Es ligams entre era Escòlo deras Pirineos e era Escòlo Gastoun Febus”.

Era  conferéncia a estat seguida damb molt d’ interés per toti es assistents a on s’a metut de manifèst era importancia dera òbra de persones tant relevants laguens dera nòsta cultura coma Bernat Sarrieu, Jusèp Condò o Simin Palay entre dauti.

Entre d’ auti intellectuaus cau destacar era assisténcia deth Capoulié deth Felibrige et Sr. Jacques Mouttet e der anterior Capoulié Sr. Pèire Fabre, o der abat Jòrdi Passerat membre dera Acadèmia des Jòcs Floraus, era mès antiga deth mond, President deth Coletge d’ Occitanie e Majorau deth Felibrige, entre d’ auti cargues.