Acte d’inauguracion deth Conselh Interacademic de Catalonha

Eth passat 14 de mai se celebrèc er acte d’inauguracion deth Conselh Interacademic de Catalonha. Er acte siguec presidit per Gemma Ubasart, conselhèra de Justícia, Drets e Memòria. I participèren representants de totes es acadèmies de Catalonha. Per part der Institut d’Estudis Aranesi – Acadèmia Aranesa dera Lengua Occitana, i participèc Jèp de Montoya, president dera institucion, qu’amassa damb Teresa Cabré, presidenta der Institut d’Estudis Catalans, representèren as dues acadèmies lingüistiques de Catalonha. Jordi Isern, president dera Reiau Acadèmia de Ciències e Arts de Barcelona, presentèc un brèu resum dera activitat de cada ua des dotze acadèmies, e Borja de Riquer, president dera Reiau Acadèmia ds Bones Letres, expausèc es gestions amiades a tèrme damb era Generalitat de Catalonha sus eth finançament des acadèmies.