Amassades damb eth delegat de Cultura dera Generalitat e eth director der IEI

Eth passat 10 de noveme, eth president der Institut d’Estudis Aranesi – Acadèmia Aranesa dera Lengua Occitana, Jèp de Montoya, s’amassèc en Lhèida damb Albert Turull, delegat de Cultura deth Govèrn dera Generalitat en Lhèida, e posteriorament damb Joan Josep Ardanuy, director der Institut d’Estudis Ilerdencs dera Deputacion de Lhèida. Era acadèmia aufric ua colleccion sancera des sues publicacion a cada un, que seràn sauvades ena delegacion des servicis territoriaus deth departament de Cultura e ena bibliotèca der IEI respectivament. En andues amassades se tractèren es publicacions existentes e es projèctes de futur des institucions.