Aument der ajut der Ajuntament de Naut Aran

Eth president der Institut d’Estudis Aranesi-Acadèmia aranesa dera lengua occitana, Sr. Jèp de Montoya, era vicepresidenta, Sra. Ròsa Maria Salgueiro, e eth president dera Seccion Aranesa, Sr. Miquèu Segalàs, an visitat er Ajuntament de Naut Aran entà presentar-se ath sòn baile, Sr. César Ruiz-Canela, coma naui cargues deth Conselh Permanent dera institucion. En aguesta visita, an aufrit ara corporacion ua còpia de totes es òbres publicades pera acadèmia, que seràn depositades ena Bibliotèca de Salardú entà que poguen èster a disposicion dera poblacion. Era Ajuntament de Naut Aran a incrementat substanciaument er ajut economic balhat ara acadèmia, que compdarà tar an que ven damb 5.000 € mès entà seguir trabalhant pera lengua.