Celebracion dera Hèsta d’Aran

Eth passat 17 de junh aueren lòc es actes de celebracion dera Hèsta d’Aran, diada nacionau en commemoracion dera restitucion deth Conselh Generau d’Aran 157 ans dempús dera sua abolicion e dera recuperacion der autogovèrn enes eleccions de 1991. I assistiren era Sra. Maria Vergés, sindica deth Conselh Generau d’Aran, es conselhèrs, alcaldes e autoritats politiques dera Val d’Aran, e es representants des còssi publics, a mès des persones que s’i voleren apropar. Ath delà, cau destacar qu’es actes compdèren damb era preséncia dera Sra. Laura Vilagrà, vicepresidenta deth Govèrn dera Generalitat, e deth Sr. Josep Rull, president deth Parlament de Catalonha. Eth president dera Acadèmia, Sr. Jèp de Montoya, assistic as actes institucionaus en tot representar era autoritat lingüistica que correspon ara Acadèmia. Era vicepresidenta, Sra. Ròsa Maria Salgueiro, e era secretària, Sra. Angelina Cases, tanben conselhères deth Conselh Generau d’Aran, i èren presentes.