Era Directora Generau de Politica Lingüistica visite era Acadèmia

Era Sra. Estèr Franquesa, Directora Generau de Politica Lingüistica dera Generalitat visitèc er Institut d’Estudis Aranesi-Academia aranesa dera lengua occitana eth passat dia 5 de mai, acompanhada peth Sr. Xavier Moral, cap dera politica sus er occitan dera Direccion Generau de Politica Lingüistica. Era Sra. Franquesa siguec recebuda per Jusèp Loís Sans, President der IEA-AALO, era Sra. Rosa Maria Salgueiro, Secretària der IEA-AALO e eth Sr. Miquèu Segalàs, membre numerari der IEA-AALO. Era Sra Franquesa recebec ua explicacion sus es trabalhs e estudis enes qu’ei immersa era Acadèmia en aguesti moments e s’interessèc pes trebalhs dera Gramatica e deth diccionari que s’estan portant a tèrme.