Er IEA-AALO presente era institucion en plen deth Conselh Generau d’Aran

Eth 15 de seteme de 2014, eth President der Institut d’Estudis Aranesi-Acadèmia aranesa dera lengua occitana, Jusèp Loís Sans, acompanhat dera vicepresidenta Angelina Cases, dera Secretària Ròsa Salgueiro, deth vocau Miquèu Segalàs e des membres Maria Elvira Riu e Jèp de Montoya, compareisheren en Plen deth Conselh Generau d’Aran entà dar es convenientes explicacions sus era finalitat der Institut d’Estudis Aranesi, Acadèmia aranesa dera lengua occitana, es sues funcions e eth sòn procés de constitucion e d’organizacion. Tanben i siguec present un Representant dera Direccion Generau de Politica Lingüistica, que s’ocupe des ahèrs der occitan, eth Sr. Xavier Moral.