ER IEA-AALO VISITE ATH PRESIDENT DERA DEPUTACION

Eth passat dimars dia 22, ua representacion der IEA-AALO siguec recebuda peth Sr. Reñe, President dera Deputacion de Lhèida entà conéisher de prumèra man eth desvolopament dera Acadèmia. Eth 14 d’abriu de 2015, eth Sr. Reñe ja auie visitat era Acadèmia ena Val d’Aran, en tot interessar-se pera sua existéncia e peth sòn desvolopament. Aguesta segona trobada servic entà iniciar era articulacion dera participacion dera Deputacion ena existéncia e foncionament dera Acadèmia. Eth President Reñe estiguec fòrça interessat pera institucion dera lengua occitana. Era delegacion aranesa anaue composada peth sòn President, Sr. Sans e peth President dera seccion aranesa, Sr. Montoya.