ERA CONSELHÈRA DE JUSTÍCIA VISITE ERA ACADÈMIA

Ager dia 11 de març de 2019, era Conselhèra de Justícia dera Generalitat, Estèr Capella, visitèc era Acadèmia aranesa dera lengua occitana. Er Institut d’Estudis Aranesi-Acadèmia aranesa dera lengua occitana ei era soleta Acadèmia de Catalonha que non a era sedença en Barcelona (tanben ei era soleta Acadèmia deth territòri lingüistic occitan). Ena amassada que durèc apruprètz ua ora, es Membres dera Acadèmia Jusèp Loís Sans, Angelina Cases e Jèp de Montoya, heren era presentacion dera Acadèmia ara Conselhèra. Era segona part dera amassada compdèc tanben damb era participacion dera Jutgessa de Vielha, Sra. Natalia Plaza. Era Sra. Plaqza expliquèc que damb era ajuda deth Conselh Generau d’Aran s’estan hènt es senténcies civils, deth Jutjat de Vielha, en aranés. Era amassada virèc atah torn deth lenguatge jurídic e dera existéncia d’un corpus molt interessant, fonamentat en totes es leis editades en aranés peth Parlament de Catalonha.