ERA ACADÈMIA EN CONSELH DE POLITICA LINGUISTICA DER OCCITAN ARANÉS

Eth Conselh de Politica Lingüistica der occitan aranés, organ de coordinacion entre era Generalitat de Catalonha e eth Conselh Generau d’Aran entath desvolopament dera Lei der occitan convidèc a participar ar Institut d’Estudis Aranesi-Acadèmia aranesa dera lengua occitana en session deth passat dia 18 de deseme que se celebrèc en Palai Marc, en Barcelona, sedença deth Departament de Cultura dera Generalitat. Era session que siguec presidida peth vicesindic d’Aran Sr. Loís Carlos Medina compdèc damb era participacion dera Directora Generau de Politica Lingüistica, Sra Estèr Franquesa. Era invitacion ara Acadèmia auie coma motiu eth conéisher era situacion actuau dera institucion e tot eth procés de constitucion des dera sua creacion en Gèr de 2014. Era representacion dera Acadèmia siguec a compde deth sòn President Jusèp Loís Sans. Tanben i ère present, eth Sr. Jèp de Montoya, President dera seccion aranesa qu’en aguesta ocasión i ère coma membre deth Conselh de Politica Lingüistica nomenat peth Conselh Generau d’Aran. Er interès des membres deth Conselh de Politica Lingüistica siguec important e se destaquèc era satisfaccion de toti eri per hèt d’auer artenhut era consolidacion dera Acadèmia. Er amassada compdèc damb era participacion dera Sra. Montserrat Bassols, dera Sra. Veronica Barés, deth Sr. Xavier Moral e deth Sr. Xavier Bernadi (en qualitat de Secretari).