Era Acadèmia en Conselh Nacionau dera Lectura

Eth passat 13 de juriòl se celebrèc era amassada deth Conselh Nacionau dera Lectura, en Recinte Modernista de Sant Pau, Barcelona. Eth Conselh ei eth responsable d’iniciar eth procès d’elaboracion deth Plan Nacionau deth Libre e era Lectura de Catalonha  e de velhar e implicar-se entà que s’apliquen es mesures aprovades. Ena sua composicion inclò representats des administracions e des entitats que trabalhen en encastre dera cultura, educacion e lengua. Entre aguestes, s’i tròbe er Institut d’Estudis Aranesi – Acadèmia Aranesa dera Lengua Occitana, representada peth president, Jèp de Montoya, que tanben siguec present en acte.  Pendent era amassada se presentèc eth document deth Plan Nacionau deth Libre e era Lectura, per part d’Izaskun Arretxe, directora dera Institucion des Letres Catalanes, e de Montse Ayats, responsabla departamentau deth Plan. Era amassada siguec presidida pera conselhèra de Cultura, Natàlia Garriga e era conselhèra d’Educacion, Anna Simó.