Era Acadèmia forme part deth Conselh Assessor de Cultura dera Generalitat

Eth Departament de Cultura dera Generalitat a creat eth Conselh Assessor de Cultura de Lhèida, Naut Pirenèu e Aran coma forum d’amassada e debat sus er estat deth sector en aguest territòri. Era Amassada de constitucion e de creacion siguec eth dia 13 de mai  e compdèc damb era Presidencia deth Conselhèr de Cultura, Santi Vila, e deth delegat Territorial, Josep Borrell. Damb aguest Conselh eth Departament vò conéisher es besonhs e fortaleses en toti es encastres dera creacion e apropar, atau, era accion deth Govèrn per tot eth territòri. Eth Conselh Assessor ei composat peth President dera Acadèmia aranesa dera lengua occitana e quatorze persones mès, destacades en mon des diuèrses dsiciplines culturaus e artistiques. En formen part era Sra Carme Alòs, Directora deth Musèu de Balaguer, Isidre Domenjo, escritor e tecnic deth Conselh Comarcau deth Naut Urgelh, Jaume Jovells, autor, actor e director de teatre, Manuel Lladonosa, professor emerit dera Universitat de Lhèida, Txema Martinez, poeta, tarductor e editor, Montserrat Macià, Directora der Institut d’Estudis Ilerdencs, Alfons Pérez, Music e Director der Interpret, Isidre Piñol, tecnic deth Conselh Comarcau d’Es Garriges, Xavier Santesmasses, periodista, Miquel Torres e President deth Grop de recerca des Tèrres de Ponent.