Era Conselhèra de Governacion, Meritxell Borras, visite era Acadèmia
![](https://www.institutestudisaranesi.cat/wp-content/uploads/2015/12/IMG-20151211-WA0000.jpg)
Eth passat diuendres dia 11 de deseme recebérem era visita dera Conselhèra de Governacion e Relacions Institucionaus dera Generalitat de Catalonha, Sra. Meritxell Borràs qu’ère interessada pera creacion e eth desvolopament dera Acadèmia aranesa dera lengua occitana. Era Conselhèra anaue acompanhada peth Sindic d’Aran e era amassada se hec en Conselh Generau d’Aran. Era Conselhèra mostrèc fòrça interès pera Acadèmia e se comprometec a possar eth sòn reconeishement. Era delegacion dera Acadèmia ère composada peth sòn President, Jusèp Loís Sans, era sua Vicepresidenta, Angelina Cases e eth President dera Seccion Aranesa, Jèp de Montoya.