Era conselhèra de Territòri, Sra. Ester Capella, visite era Acadèmia

Ester Capella, conselhèra de Territòri a visitat era sedença der Institut d’Estudis Aranesi – Acadèmia Aranesa dera Lengua Occitana, amassa damb Josep Castells, delegat territoriau deth Govèrn dera Generalitat en Naut Pirenèu e Aran. An estat recebudi peth president der Institut d’Estudis Aranesi – Acadèmia dera Lengua Aranesa, Jèp de Montoya, era vicepresidenta, Ròsa Maria Salgueiro, e er expresident, Jusèp Loís Sans. Pendent era amassada, eth president a expausat es projèctes qu’era Acadèmia amie a tèrme e es prespectives de futur, incidint especiaument enes dues projèctes que gaudissen deth supòrt der Institut de Desvolopament  deth Naut Pirenèu e Aran: eth Recuelh dera Toponimia Menora dera Val d’Aran e eth Recuelh de Literatura Orau.  Era conselhèra a mostrat interès pera activitat que desvolope era Acadèmia, en especiau, pera que tanh ara normativizacion dera toponimia.