Inauguracion dera exposicion “Aranés, er occitan de Catalonha”

Eth president dera Acadèmia, Jèp de Montoya, e eth president dera Seccion Aranesa, Miquèu Segalàs, an participat ena inauguracion dera exposicion itineranta “Aranés, er occitan de Catalonha” que s’a realizat en Pònt de Suert, ena casa Cotori. Era exposicion organizada pes Servicis Territoriaus de Cultura deth Naut Pirenèu e Aran dera Generalitat de Catalonha, a estat presidida pera directora des Servicis, Rosa Noray, e pera alcaldesa de Pònt de Suert, Iolanda Ferran. A compdat damb ua visita guidada a cargue de Ferriòl Macip, tecnic dera Secretaria de Politica Luingüistica e ua interpretacion musicau deth grop La Ruta de les Estrelles. Eth president der Institut d’Estudis Aranesi – Acadèmia Aranesa dera Lengua Occitana, a hèt ua brèu exposicion sus er occitan e eth prètzhèt dera institucion que represente, e per part dera Acadèmia s’a hèt entrèga dera normativa e d’autes òbres entàs Servicis Territoriaus de Cultura deth Naut Pirenèu e Aran.