Presentacion der IEA-AALO
Eth passat dia 10 de juriòl entàs 17 ores en Santa Maria d’Arties, eth Sindic d’Aran e es Conselhèrs de Cultura e Justícia dera Generalitat presentèren er Institut d’Estudis Aranesi-Acadèmia aranesa dera lengua occitana.
Er acte, en ua glèisa totalament plea, compdèc damb era preséncia destacada de Illustres Deputats deth Parlament de Catalonha, de Magnifics Conselhèrs deth Conselh Generau d’Aran, d’Excellentíssims Presidents des Acadèmies de Catalonha e de diuèrsi illustrissims membres numeraris des madeishes, d’ Illustríssims Alcaldes, entre es quaus er Alcalde Vielha e Mijaran, dera Directora Generau de Politica Lingüistica, deth Director Generau de Dret e Entitats Juridiques, de Representacion deth Conselh der Audiovisuau de Catalonha, de Còssos des Ajuntaments dera Val d’Aran, der Archiprèste dera Val d’Aran, d’un representant de La Caixa, dera exsindica Pilar Busquets, e de fòrça persones qu’acompanhèren ar Institut d’Estudis Aranesi-Acadèmia aranesa dera lengua occitana en aguest solemne acte de presentacion publica.
Era acte compdèc damb era presentacion e direccion de Thais Leja e damb era collaboracion musicau de Manel Jaquet.
Eth sindic d’Aran, Magnific Senhor Carlos Barrera, eth conselhèr de Justicia, Aunorable Senhor Germà Gordò e eth conselhèr de Cultura, Aunorable Sr. Ferran Mascarell, presidiren er acte e entreguèren es nomenaments as dotze membres numeraris que composen era Acadèmia.
A mès se nomentèc a Pèire Bèc qu’auie desirat de formar part d’aguesta institucion mès qu’era mòrt se la emportèc tres dies abans dera sua constitucion. Eth Sr. Salas Lostau liegec ua glossa der Illustrissim Pèire Bèc e era sua veuda, era senhora Eliana Gauzit, en recuelhec eth sòn nomenament.
Es discorsi deth President der Institut d’Estudis Aranesi-Acadèmia aranesa dera lengua occitana, deth Conselhèr de Cultura, deth Conselhèr de Justicia e deth Sindic d’Aran seràn consultables en aguesta web enes pròxims dies.
