Presentacion der IEA-AALO en Centre Culturau Blanquerna, Delegacion deth Govèrn dera Generalitat en Madrid

Eth dijaus 29 de seteme de 2016 tàs 19 ores en Centre Culturau Blanquerna, Delegacion  deth Govèrn dera Generalitat en Madrid, se presentèc er Institut d’Estudis Aranesi-Acadèmia aranesa dera lengua occitana.

Era conferéncia siguec presidida peth Sr. Ferran Mascarell, Delegat deth Govèrn en Madrid que hec ua introduccion parlant dera accion de Govèrn dera Generalitat envèrs era lengua occitana; a continuacion eth President dera Acadèmia aranesa dera lengua occitana eth Sr. Jusèp Loís Sans, parlèc sus es dues òbres fundamentaus, “Gramatica basica der occitan aranés” e normativa ortografica der estandard (Discors). Eth Sr. Jèp de Montoya, President dera Seccion aranesa dera Acadèmia aranesa dera lengua occitana, expliquèc era identitat aranesa, aspèctes istorics mès destacats e auanci artenhuts enes darrèrs trenta ans (Discors). Tanquèc er acte eth Sr. Loís Carlos Medina, Vicesindic d’Aran, qui s’encuedèc d’explicar er autogovèrn aranés, era proteccion d’ua identitat.

Entath vòste interés podetz vèir era grabacion der acte aci