Presentacion dera Gramatica basica as Directors des Centres Educatius

Eth dijaus 4 de hereuèr er Institut d’Estudis Aranesi acadèmia aranesa dera lengua occitana presentèc es darrères produccions as Directors des escòles dera Val d’Aran.

Damb era participacion der Inspector dera zòna Sr. Solsona, enes espacis des Servicis Educatius deth Departament d’Ensenhament ena Val d’Aran, eth President der IEA-AALO Jusèp Loís Sans, acompanhat dera Secretària, Rosa Salgueiro e de Miquèu Segalàs presentèc es tres darrères òbres publicades, en tot hèr especiau incidéncia ena Gramatica basica der occitan aranés. Er IEA-AALO s’oferic entà hèr presentacions en toti es Centres educatius e a obsequiar a toti es professors dera Val d’Aran damb ua òbra de cada e a oferir, especiaument era Gramatica basica, ad aqueri alumnes que considerèssen es professors.