Presentacion en Institut d’Estudis Catalans

(NOTíCIA QUE CONTEN ES DISCORSI DERA PRESENTACION)

Eth dia 7 d’abriu, entàs 19 ores ena Sala Prat de la Riba der Institut d’Estudis Catalans, se presentèc era Acadèmia aranesa dera lengua occitana.

Ath deuant d’ua importanta assisténcia de mès de cent persones er Institut d’Estudis Aranesi-Acadèmia aranesa dera lengua occitana presentèc es darrères produccions: Gramatica basica der occitan aranés, normativa ortografica der occitan estandard (“per escriure l’occitan”) e Discorsi dera presentacion deth 10 de juriòl de 2015 e prumèrs discorsi d’entrada ena Acadèmia

Era taula de presentacion siguec cubèrta damb era Presidéncia der Excellentissim Sr. Joandomenec Ros, President deth IEC, eth President der IEA-AALO, Jusèp Loís Sans que parlèc sus era Institucion e era valor des òbres presentades (discors), eth Sr. Jèp de Montoya que presentèc era Seccion aranesa (discors), eth Sr. Joan Salas Lostau que presentèc era Seccion Estandard e hèc ua avaloracion sus era importància dera existéncia der estandard (discors), eth Sr. Miquèu Segalàs que presentèc era òbra “Gramatica basica der occitan aranés” (discors), e eth Sr. Jacme Taupiac que presentèc “Per escriure l’occitan”, normativa ortografica der occitan estandard (discors).

Era Sra. Ròsa Maria Salgueiro, Secretària der IEA-AALO, acompanhèc ara delegacion entara presentacion.

Es assistents sigueren obsequiats damb es òbres presentades.

Pòs veir tota era presentacion en

https://www.youtube.com/watch?v=0rj1olvmG2k