Visita de José Enrique Gargallo, Bernat Corredó e José Antonio Saura

Er Institut d’Estudis Aranesi – Acadèmia aranesa dera lengua occitana, a agut eth plaser de recéber as filològs e professors, Sr. José Enrique Gargallo e Sr. Bernat Corredó, dera Universitat de Barcelona, e Sr. José Antonio Saura Rami dera Val de Benasc. Eth president, Sr. Jèp de Montoya, e er expresident, Sr. Jusèp Loís Sans, les an acuelhut en tot aufrir-les quauques des publicacions der IEA-AALO.

Dempús d’interessar-se pera Acadèmia s’a parlat d’articular collaboracions entre er IEA-AALO, era Universitat de Barcelona e er Institut d’Estudis Catalans.